Klinsmann: Deri më tani po shkon mirë

Trajneri i Bayern Munichut, Jürgen Klinsmann, ka njoftuar se ai është i kënaqur me progresin e skuadrës së tij dhe se planet e tija janë duke u realizuar.
“Jemi duke i realizuar të gjitha sipas planit, lojtarët po i mësojnë shumë mirë gjërat dhe ata janë të përkushtuar drejt suksesit. Tani janë kthyer edhe lojtarët të cilët morën pjesë në Euro 2008, të cilët kanë filluar punën dhe presim që shumë shpejte ta kthejnë ritmin”.

“Lojërat tona miqësore kundër Dortmundit, Kölnit, Tokyos dhe Interit, do të na mundësojë që ta zhvillojmë më tepër kualitetin tonë”.

“Pasi të luajmë me të gjitha këto skuadra do ta kemi një ide të qarte se ku jemi, dhe kjo do të ndikojë te të gjithë lojtarët që në mënyrë individuale të përmirësohen. Skuadra është duke përparuar dhe për çdo javë të kaluar ajo bëhet gjithnjë e më e mirë”, ka thënë ish-trajneri i Gjermanisë.

“Rezultati nuk është aspak i rëndësishëm për neve. Po të kishim dashur të fitonim do të kishim fituar, mirëpo ne e shfrytëzuam ndeshjen për të provuar disa gjëra të reja”, ka komentuar Klinsman humbjen e Super Kupës nga Dortmundi.