Venezuelë: Arritën 24 aeroplanë luftarakë rusë

Presidenti i Venezuelës, Hugo Chavez, tha se në vendin e tij kanë arritur 24 aeroplanë luftarakë të tipit Sukhoi nga Rusia dhe i ka tërhequr vërejtjen Flotës së Katërt të Shteteve të Bashkuara, të qëndroj jashtë ujërave të Venezuelës.
Zoti Chavez tha se nga këta aeroplanë mund të shkrepen raketat me rreze më të gjatë veprimi se nga aeroplanët luftarakë amerikanë F-16, njofton Radio Evropa e Lirë.

Blerja e 24 aeroplanëve luftarakë është pjesë e marrëveshjes ushtarake me vlerë prej 3 miliardë dollarësh ndërmjet Venezuelës dhe Rusisë, që përfshinë edhe tanke dhe kallashnikovë.