Tranzicioni UNMIK-EULEX ka filluar

Tranzicioni i shumëpritur mes UNMIK-ut dhe EULEX-it ka filluar të shtunën e kaluar, kanë thënë për të përditshmen Express, burime ndërkombëtare.
Ky vendim, sipas burimeve të kësaj të përditshmeje, është marrë të premten në mbrëmje, pak kohë pas përfundimit të takimit të Këhsillir të Sigurimit të OKB-së, në të cilin shumica e shteteve anëtare sërish kanë mbështetur sekretarin e përgjithshëm , Ban Ki-Moon për vendimin e tij për rikonfigurimit e UNMIK-ut dhe vendosjen e misionit të BE-së në Kosovë.

Megjithëse kanë kaluar tri ditë që nga fillimi i procesit të tranzicionit mes misionit të OKB-së dhe BE-së në Kosovë, ende nuk dihen arsyet e vërteta të mbajtjes në heshtje të këtij vendimi.

Deri më tani EULEX-i ka sjellë në Kosovë rreth 400 pjesëtarë, ndërsa misioni i kompletuar parashihet t’i ketë rreth 3.000 pjesëtarë, 1.900 ndërkombëtarë dhe 1.100 kosovarë.

Bashkimi Evropian shpreson që misioni i tij do të marrë kompetencat nga UNMIK-u në fund të vjeshtës