Laporta: Nuk jemi të interesuar për Trezegenë

Presidenti i Barcelonës, Zhoan Laporta, ka hedhur poshtë zërat se klubi katalanas është i interesuar për të transferuar në radhët e veta sulmuesin e Juventusit, David Trezege. Katalanasit janë në kërkim të një sulmuesi të klasit të lartë, pas largimit të Ronaldinjos dhe shitjes së mundshme të Etosë.
Mediat spanjolle dhe ato italiane gjatë tërë kësaj vere e kanë lidhur Trezegenë me Barcelonën, por presidenti i klubit katalanas hedh poshtë zërat për blerjen e francezit. "Barcelona nuk është e interesuar për Trezegenë, edhe pse ai është një lojtar i madh", ka theksuar Laporta në konferencën me gazetarë para ndeshjes miqësore me Fiorentinën. Më pas Laporta ka folur për transferimin e Ronaldinjos tek Milani. "Më vjen mirë që Ronaldinjo ka përjetuar një pritje madhështore në Milan. Gjatë pesë vjetëve të kaluara me ne, ai ka qenë njëri nga më të merituarit për suksesin tonë", ka nënvizuar Laporta. Rreth vendimit të tij që për trajner të skuadrës ta emërojë ish-lojtarin e klubit, Josep Guardiola, Laporta është shprehur: "Guardiola është simbol i Barcelonës dhe ai me këtë skuadër ka fituar shumë trofe. Ne e zgjodhëm atë, kur e kuptuam se skuadrës i duhet një drejtues i ri. Ai është një punëtor i madh dhe e njeh shumë mirë ambientin e Barçës