Maqedonia dhe Norvegjia, marrëveshje për lehtësimin e regjimit të vizave

Shefi i diplomacisë maqedonase, Antonio Milloshoski dhe ambasadori i Norvegjisë në Shkup, Karl Vibi, firmosën të hënën Marrëveshje për lehtësimin e regjimit të vizave.
Pas nënshkrimit të dokumentit, ministri Milloshoski tha se me këtë marrëveshje thjeshtësohe procedurat për marrjen e vizave në mes dy vendeve.

“Kjo është marrëveshja jonë e parë dhe shpresoj se marrëveshjen e ardhshme që do ta nënshkruajmë me Norvegjinë do të jetë marrëveshja për liberalizimin e vizave. Maqedonia pret që kjo të ndodhë në vitin 2009", tha shefi i i diplomacisë maqedonase.

Marrëveshja e sotme do t'u dedikohet të gjitha kategorive të qytetarëve të përfshirë me Marrëveshjen për lehtësim të vizave me Komisionin Evropian, gjegjësisht ata të cilët kanë farefis, për biznesmenë, gazetarë, për qëndrime studimore dhe për persona të tjerë me aktivitete shoqërore.

Norvegjia nuk është anëtare e BE-së, por është pjesë e zonës së Shengenit. Me nënshkrimin e marrëveshjes së sotme, Maqedonia është vendi i 25-të evropian me të cilën do të zbatohet regjim i lehtësuar i vizave