Nadal vazhdon me fitore

Tenisti spanjoll, Rafael Nadal, i dyti i renditur në listën botërore, ka triumfuar në Toronto Masters, duke e mposhtur gjermanin Nicolas Kiefer në dy sete, 6-3 6-2.
22-vjeçari nga Mallorca ka ngritur kështu trofeun e tetë në këtë vit (2008), dhe të pestin në varg, në ngjarjen e parë pas fitores së famshme ndaj Roger Federer në finalen e Wimbledonit, më 6 korrik.

Nadal kështu bëhet lojtari i tretë më i ri i cili mbledh 30 tituj, duke qëndruar prapa Bjorn Borg dhe Jimmy Connors.

Kampioni i Wimbledonit, tash do ta kthejë vëmendjen e tij kah Cincinnati Masters, që fillon të hënën.