Ambasadorët’ e parë do të përzgjidhen pa procedura ligjore

Edhe pse ka muaj që është themeluar Ministria e Punëve të Jashtme dhe është vendosur hapja e zyrave të para diplomatike, diplomatët e parë kosovarë, siç bën të ditur e përditshmja Lajm, do të emërohen nga presidenti, pa kurrfarë konkursi.
Këshilltari i ministrit Hyseni, Kujtim Shala, ka deklaruar se dekretimi i 10 misioneve të para diplomatike të Kosovës është bërë sipas idesë dhe propozimit të MPJ-së. “Për këto misione, procedurat të cilat i përcakton ligji nuk vlejnë. Këta persona do të emërohen direkt nga presidenti, pasi të jetë konsultuar me kryeministrin e dhe ministrin e jashtëm. Dhe, këta persona janë përfaqësues të përkohshëm”, ka thënë Shala për këtë gazetë.

Në shkrim po ashtu theksohet se përfaqësuesit e parë që duhet të bëjnë është të gjejnë zyrat për t’u vendosur. Ndërkohë që, deri në atë moment, është paraparë që ata të vendosen nëpër hotele.

Dhjetë misionet e para diplomatike të Kosovës do të jenë në Washington, Bruksel, Vjenë, Paris, Berlin, Londër, Romë, Tiranë, Bernë dhe Ankara. Ministria e Punëve të Jashtme ka planifikuar t’i kompletojë këto 10 misionet e para, ndërsa vitin e ardhshëm të dyfishojë numrin e tyre