Sondazh, gjermanet vleresojne fjalimin e Obama ne Berlin

Shumica prej 62 për qind e gjermanëve vlerësojnë se kandidati demokrat për në Shtëpinë e Bardhë, Barak Obama mbajti të enjten "një fjalim të madh" në Berlin, sipas një sondazhi të Institut Emnid që do të publikohet nesër në të përditshmen "Bild am Sonntag".

Vetëm 19 për qind e 500 personave të pyetur të premten, të nesërmen e fjalimit, kanë mendim të kundërt. Perveç të tjerash, 63 për qind e personave të sonduar mendojnë se një administratë e Obamës në Shtëpinë e Bardhë do të ishte pozitive për Gjermaninë, kundrejt 20 për qind që vlerësojnë të kundërtën.

Afro 200 000 persona shkuan të dëgjonin me një entuziazëm të zjarrtë fjalimin e vetëm të fushatës jashtë vendit të mbajtur të enjten në Berlin nga Obama, që në Gjermani iu rezervua një pritje e denjë për një yll roku.

Gjatë këtij fjalimi, kandidati u bëri thirrje evropianëve dhe amerikanëve të bashkohen për të përballuar problemet e planetit.