Berisha: Firmosja e presidentit Bush, akt kulmor historik

Kryeministri i Shqipërisë, Sali Berisha përshëndeti përzemërsisht firmosjen në Shtëpinë e Bardhë nga presidenti George W. Bush te Protokollit të Anëtarësimit të Shqipërisë në NATO.
Gjatë një konference të posaçme për shtyp për këtë çështje, Berisha vlerësoi se firmosja me datë 24 tetor nga presidenti i Shteteve të Bashkuara të Amerikës, George W. Bush, të ligjit të Senatit të Shteteve të Bashkuara për anëtarësimin e Shqipërisë në Aleancën e Atlantikut të Veriut përbën aktin ligjor më madhor në historinë e marrëdhënieve midis dy vendeve, pas njohjes nga vendi i lirisë, i Shqipërisë së pavarur.

Ky akt, sipas Berishës, përbën një besim të madh, një votëbesim të madh për shqiptarët, Shqipërinë dhe reformat e saj të suksesshme. “Por ky akt, kjo firmë e presidentit të Shteteve të Bashkuara është edhe një përgjegjësi madhore për Shqipërinë, shqiptarët, qeverinë shqiptare dhe institucionet e këtij vendi për të konsoliduar nëpërmjet reformave të thella dhe të gjithanshme shtetin ligjor , demokracinë e bazuar në vlerat e tregut”, ka thënë Berisha, i cili e ka quajtur presidentin Bush si “mikun më të shquar të kombit shqiptar