Ancelotti i gatshëm ta nxjerrë gishtin

Trajneri i Milanit, Carlo Ancelotti, është i gatshëm t’ua tregojë përsëri gishtin tifozëve të Juves nëse ata vazhdojnë të tallen me të.
Ancelotti kishte bërë një gjest skandaloz duke ua nxjerrë gishtin tifozëve juventinë gjatë ndeshjes ndërmjet dy gjigantëve italianë për TIM Cup, ndërsa ai tani është i gatshëm që ta bëjë të njëjtën gjë nëse ndodh diçka e ngjashme gjatë ndeshjes për Trofeo Berlusconi.

“NëSe provokimet vazhdojnë, a do ta përsëris gjestin të cilin e kamë bërë në Torino? Po, definitivisht”, ka shpjeguar ish-trajneri i Juves.

Pasi ka treguar qëllimet e tij ndaj tifozëve bardhezi, Ancelotti ka folur edhe për takimin ndërmjet dy rivalëve.

“Kjo nuk është një ndeshje zyrtare, mirëpo është një garë e rëndësishme për neve sepse mban emrin e babait të presidentit tonë dhe për këtë arsye do të mundohemi të japim më të mirën ndaj një skuadre në formë”, ka thënë Ancelotti