Ibra: Gjithçka është në rregull me gjurin tim

Asi i Interit, Zlatan Ibrahimovic, ka njoftuar se është rikuperuar plotësisht pas lëndimit të gjurit i cili e mbajti jashtë fushave për një kohë të gjatë, dhe është shumë i lumtur me paraqitjen e tij në Eusebio Cup të premten.
“Luajta një ndeshje të mirë, por e rëndësishmja është se tani e kam qëndrueshmërinë që të jem në fushë për 90 minuta”.

“Jam ndier mirë dhe gjuri nuk më shkaktoi probleme. Jam duke u përmirësuar gradualisht dhe nuk kam pasur pengesa. Megjithëse duhet të kujdesem për një kohë më të gjatë për gjurin, më e keqja ka kaluar”, ka treguar ish-sulmuesi i Juventusit