Sampdoria me ngulm pas Shevchenkos

Ekipi i Sampdorias është duke bërë përpjekje të mëdha për të angazhuar sulmuesin e Chelseat, Andriy Shevchenkon.
Interesimi i Sampdorias për Shevchenkon nuk është ndonjë risi, pasi që klubi italian u përpoq të realizojë këtë transferim edhe një muaj më parë. U spekulua se Sheva do të kalojë sërish në radhët e Milanit, por kuqezinjtë, e kanë zbehur interesimin për sulmuesin.

Ukrainasi është tepricë tek blutë, dhe trajneri i ri Luis Felippe Scolari nuk llogarit seriozisht në shërbimet e tij.

Sipas mediave italiane, Sampdoria do të bëjë ofertë për huazim njëvjeçar të ukrainasit, me mundësi që në verën e ardhshme ta kompletojë transferimin.

Ekipi tashmë ka realizuar një transferim të tillë, me anë të Antonio Cassanos, ndërsa të njëjtën formulë dëshiron ta aplikojë edhe për Shevchenkon.