Kuyt i impresionuar nga lojtarët e rinj

Sulmuesi i Liverpoolit, Dirk Kuyt, është i bindur se lojtarët e vjetër dhe transferët e rinj i kanë krejt çka është e nevojshme për të pasur sukses në sezonin e ri.
“Lojtarët e rinj janë përshtatur shumë mirë. Gjithmonë është mirë kur ka disa fytyra të reja në skuadër dhe shpresoj t’i kemi mirëpritur ata”.

“Nganjëherë ka nevojë për ndonjë ndryshim të vogël për të ndryshuar gjëra të mëdha dhe shpresoj se lojtarët e rinj do të ndihmojnë ta arrijmë këtë gjë”.

“Mendoj se gjëja më e rëndësishme për neve tash është që t’i shfrytëzojmë lojërat miqësore për t’u përgatitur sa më mirë që mundemi për sezonin e ri”.

Liverpool këtë afat kalimtar ka transferuar në Anfield emra siç janë: Andrea Dossena, Philipp Degen, Diego Cavalieri, David N'Gog dhe Robbie Keane.