Shkodër: Asgjësohen mbi 4 mijë rrënjë kanabis

Plot 4.996 rrënjë kanabis sativa, janë asgjësuar në zonën e Malësisë së Madhe nga policia e Qarkut Shkodër. Policia fillimisht ka hyrë në një zonë, e quajtur Shkëmbi i Lagët, ku ka pikasur një pjesë të drogës së mbjellë, me mbi 1700 rrënjë.
Sasia e rrënjëve të dyshuar si kanabis, kishte përqendrime të pika të ndryshme të zonës. Policia ka hyrë në terrene të vështira, pasi banorët e kanë mbjellë drogën në terrene ku nuk mund të shihe lehtë.

Forcave blu iu është dashur të shpyllëzojnë zona të tëra, për të asgjësuar sasinë e bimëve të mbjella. Për këto raste policia ka kryer të gjitha veprimet e para procedurale dhe materialet do t’i kalojnë Prokurorisë së Rrethit Gjyqësor Shkodër për hetime të mëtejshme për veprën penale “Kultivim i bimëve narkotik", ndërkohë që po punohet për identifikimin e autorëve. /start