PD dhe PDR pranë bashkimit

Zyrtarë të lartë të Partisë Demokrate të Re dhe të Partisë Demokratike kanë bërë të ditur se selitë e tyre po shikojnë mundësinë e bashkimit. Lajmi është bërë fillimisht i ditur nga nënkryetari i PDR-së, Tritan Shehu, dikur kryetar i Partisë Demokratike dhe ish-ministër i Jashtëm i Shqipërisë.
Shehu tha se tashmë diferencat midis dy partive nuk ekzistojnë. “Janë të gjitha hapësirat për hapa konkrete drejt një afrimi më të madh”, tha Shehu.

Në zyrat e PD-së ky hap duket i mirëpritur, ndonëse është lënë të kuptohet se kjo çështje pritet të diskutohet në forumet e partisë ditët e ardhshme.

Partia Demokrate e Re, që drejtohet nga Genc Pollo, u krijua në vitin 2000 nga ndarja në mënyrë të dhunshme e një grupi funksionarësh të lartë të PD-së prej saj. Pas kësaj ndarjeje Genc Pollo dhe Tritan Shehu u bënë kundërshtarë të Sali Berishës. /bbc/