Kina mbështet Serbinë rreth Kosovës

Serbia ka marrë mbështetjen e Kinës për ruajtjen e sovranitetit të saj mbi Kosovën. Ishte pikërisht presidenti i Serbisë, Boris Tadiq, i cili pas një takimi me presidentin e Kinës, Hu Jintao në Pekin, deklaroi se “Kina mbështet Serbinë, ashtu siç edhe ne deklarojmë se Tibeti është çështje e brendshme e Kinës”, bën të ditur B92.
Rajoni i Tibetit kërkon të autonominë por Pekini nuk lëshon pe. Madje flaka olimpike u shoqërua me protesta të shumta në vendet perëndimore ku kaloi pishtari të cilat ishin pro autonomisë së Tibetit.

Në vizitën e tij pesëditore për të marrë pjesë në ceremoninë e Lojërave Olimpike, presidenti i Serbisë deklaroi se fakti që ne jemi një nga delegacionet e rralla që thirret për të zhvilluar bisedime dypalëshe me presidentin kinez tregon shumë për pozicionin e vendit tonë në politikën e jashtme kineze.

“Presidenti i Kinës është shumë i informuar rreth çështjeve të politikës së jashtme të cilat janë të rëndësishme për të ardhmen e Serbisë, por ne ramë dakord që të bashkëpunojmë në fushën e ekonomisë, telekomunikacioneve dhe zhvillimin e infrastrukturës”, tha Tadiq. /News24/