Përleshje në veri të Mitrovicës

Një policë i UNMIK-ut, një i ri shqiptarë dhe dy serbë janë lënduar gjatë përleshjeve të dhunshme që shpërthyen pas mesnatës në pjesën veriore të Mitrovicës, konfirmoi polica.
Zëdhënësi i policisë së Kosovës, Besim Hoti tha se dhuna shpërtheu pasi një grup prej 6 serbësh sulmuan një të ri shqiptar në lagjen e Boshnjakëve.

Sipas tij dhuna më vonë është përhapur në zonën e tre rrokaqiejve që banohet me popullatë të përzier. “Njësitë speciale të policisë së UNMIK-ut dhe policisë së Kosovës, intervenuan për të vënë situatën nënë kontroll dhe kjo është arritur në orët e para të mëngjesit “, pohoi Hoti.

Ai tha se përveç të plagosurve janë dëmtuar edhe 8 vetura dhe tri lokale afariste. Sipas Hotit situate atje vazhdon të jetë e tensionuar, ndërsa policia i ka shtuar masat e sigurisë. /rtk/