Lehman: Adebajor mos u largo nga Arsenali!

Ish-portieri i Arsenalit, Jens Lehman e ka paralajmëruar Emanuel Adebajorin, se largimi nga Arsenali do të ishte gabimi i tij më i madh në karrierë. Në fakt, Adebajor gjatë kësaj vere ka qenë shpesh temë qendrore e tregut të futbollistëve dhe është përfolur shumë për largimin e tij nga "Emirates", pasi për shërbimet e tij janë interesuar Milani dhe Barcelona.
Madje, sulmuesi togolez i kishte dhënë një ultimatum drejtuesve të Arsenalit, se në rast se nuk i rritet paga në 120 mijë funta në javë, ai do të largohej. Megjithatë situata paksa është qetësuar, pasi ka rënë interesimi i Milanit për shkak të vlerës së madhe të dëmshpërblimit, që kap shifrën 38 milionë funta, ndërkohë Barcelona duket se ka filluar të kërkojë një alternativë tjetër. "Nëse e vëzhgoni mirë situatën, atëherë do të shihni se çdo lojtar që është larguar nga Arsenali nuk ka arritur të shkëlqejë në klubin e ri", ka thënë Lehman, duke sugjeruar Adebajorin të qëndrojë tek "topçinjtë". Më pas ai ka folur edhe për mundësitë e Arsenalit në edicionine ri. "Askush nuk guxon ta fshijë Arsenalin nga lufta për titull. Edhe edicionin e kaluar Arsenali nuk vlerësohej shumë, por në fund për pak nuk arriti ta fitojë titullin e kampionit në Ligën Premiere", ka shtuar Venger.