Soldado: Jam i lumtur që do të luaj te Hetafe

Dy klubet spanjolle, Real Madrid dhe Hetafe kanë arritur marrëveshje për realizimin e transferimit të sulmuesit madrilen, Roberto Soldado në radhët e skuadrës nga qyteti i Valencisë. Soldado 22-vjeçar, i cili ka qenë pjesë e Realit që nga fëmijëria, ka nënshkruar kontratë katërvjeçare me Hetafen, me një vlerë dëmshpërblimi prej 4 milionë euro.
Me lojërat e tij në edicionin e kaluar pas kthimit nga Osasuna, ai nuk arriti të bind trajnerin e Realit, Bernd Shuster. Megjithatë, mund të ndodh që ai sërish të kthehet në klubin e tij të zemrës në një të ardhme, pasi një gjë të tillë e bëri sivjet Ruben De La Red, i cili falë paraqitjeve të mira te Hetafe, fitoi besimin e përzgjedhësit spanjoll, Luis Aragones dhe të trajnerit të Real Madridit. “Jam shumë i lumtur që do të luaj për Getafen në të ardhmen. Tash për tash nuk e mendoj një kthim të shpejtë në Real. Ajo që dua të bëjë është të punoj shumë dhe të arsyetojë besimin e drejtuesve të këtij klubi. Dëshiroj të jap maksimumin dhe të kontribuojë në sukseset e Hetafes", ka theksuar Soldado