India në alarm, 46 të vrarë

Së paku 46 persona janë vrarë pas sulmeve dy ditore në qytetin Ahmedabad, në shtetin perëndimor të Guxharatit, ka konfirmuar policia në Indi.
Mediat indiane pohojnë se sulmet mund të jenë të shkaktuara nga një organizatë e quajtur Muxhahidinët Indianë, pasi që sipas tyre, para sulmeve ata kishin pranuar e-mail nga kjo organizatë.

Është e pazakonshme që ende asnjë grup nuk e ka marrë përgjegjësinë për këto sulme, mirëpo zyrtarët indianë dyshojnë se pas këtyre sulmeve qëndrojnë grupet militante të cilat vijnë nga Pakistani dhe Bangladeshi.

Edhe pse janë rritur masat e sigurisë qytetet kryesore indiane, Qeveria indiane është shqetësuar se këto sulme do të nxisin dhunën mes komunitetit hindus dhe atij mysliman edhe jashtë Guxharatit.