Avokatët depozitojnë ankesën kundër transferit të Karaxhiqit në Hagë

Avokatët mbrojtjes të ish-liderit serbo boshnjak Radovan Karaxhic kanë plotësuar ankesën kundër transferimit të klientit të tyre në Gjykatën Ndërkombëtare të Hagës. Avokatët thanë se dokumenti është depozituar vetëm pak minuta para se të skadonte afati zyrtar në mbrëmjen e së premtes.

Autoritetet serbe duhet të marrin në dorë apelimin, përpara se të dërgojnë ish-liderin serbo boshnjak Radovan Karaxhic në Hagë. Afati për dorëzimin e apelit kundër ekstradimit të Karaxhicit, skadonte në orën 20 të ditës së premte. Pas apelit, çështja i kalon tani qeverisë serbe, e cila jep dhe vendimin përfundimtar në lidhje me ekstradimin apo jo të Radovan Karaxhicit.