Pjesëtarëve të TMK-së u sugjerohet të gjejnë punë

Shtabi i Përgjithshëm i TMK-së, të gjithë pjesëtarëve të vet ua ka dërguar një letër, përmes së cilës u sugjerohet të nisin të kërkojnë vende të tjera të punës, bën të ditur në numrin e sotëm gazeta Express.
Ndërkohë, sipas kësaj gazete, vetë Shtabi dhe Qeveria, ende nuk janë duke u pajtuar se si do të duket Ligji për pensionim të pjesëtarëve të TMK-së.

Siç bën të ditur Express, letra iu është dërguar pjesëtarëve të TMK-së rreth tri javë më parë, ndërsa në letër ndër të tjera sugjerohet që, të gjithë pjesëtarët aktualë të TMK-së janë të lirë që deri në fund të këtij viti, të kërkojnë dhe të gjejnë punë të tjera.

Shpërndarjen e kësaj letre e ka konfirmuar edhe Enver Dugolli, shef i Zyrës për Informim të TMK-së. Ai ka sqaruar se një letër e tillë sugjeruese u është dërguar të gjithë pjesëtarëve, pa dallim moshe ose rangut.

“Kjo letër është thjesht si lajmërim dhe u mundëson të mos mbesin pend duke pritur , por nëse duan, të gjejnë punë”, ka thënë Dugolli