Maas: Serbia të pranojë pavarësinë e Kosovës

Ambasadori i Gjermanisë në Beograd, Wolfram Maas, ka deklaruar se Serbia nuk është nën presion për të pranuar pavarësinë e Kosovës, por se do të duhej të gjente “hapësirë manovruese për zhvillimin e marrëdhënieve me Prishtinën”.
"Me gjithë kundërshtitë fundamentale, ekziston hapësira manovruese për zhvillimin e marrëdhënieve”, ka thënë Maas në një intervistë për mediat serbe.

Pyetjes se si Serbia duhet t’i kuptojë deklaratat e zyrtarëve evropianë se pranimi i Kosovës nuk është kusht për afrimin e saj të mëtejmë me BE-në, por njëkohësisht duhet të pranojë realitetin e ri, i cili realisht do të thotë pranim indirekt për shkëputjen e Kosovës, ambasadori Maas është përgjigjur duke u thirrur në historinë e pasluftës së vendit të tij.

"Nuk e detyrojmë Serbinë të pranojë Kosovën, por lusim që të gjenden zgjidhje që do të ishin në interes të njerëzve të cilët jetojnë në Kosovë dhe të gjenden zgjidhje praktike nga jeta e përditshme