Ivanoviq: Së pari bisedime, pastaj ndryshime

Sekretari shtetëror në të ashtuquajturën Ministri për Kosovën të Qeverisë serbe, Oliver Ivanoviq, ka thënë se nga shefi i ri i UNMIK-ut, Lamberto Zannier, së pari pret vendosjen e kontakteve me qeverinë e Serbisë dhe pastaj të shpjegojë se çfarë konkretisht nënkupton me rikonfigurim.
"Kushtet janë që Beogradi para së gjithash të shihet si partner i barabartë për bisedime ose partner me të cilin do të bisedohet për pjesën e territorit, të cilën ne formalisht dhe juridikisht e konsiderojmë tonën”, tha ai, duke shtuar se kurdo që ta ketë të qartë idenë për këtë, atëherë kujtoj se mund të ketë bashkëbisedues dhe se mund të llogarisë për njëfarë bashkëpunimi.

“Sepse, shikuar formalisht, UNMIK-u nuk është mision kundërthënës, ai nuk është i diskutueshëm për ne. Përderisa vjen nën mandatin e OKB-së, mendoj se mund të jetë negociator. Mirëpo kështu UNMIK-u po tërheq hapa të caktuar të njëanshëm dhe kjo aspak nuk është e mirë”, konsideron Ivanoviq. /b92