Në shtator nis akreditimi i universiteteve në Shqipëri

Një kompani amerikane e vlerësimit të cilësisë të Institucioneve të Arsimit të Lartë pritet të mbërrijë në shtator në Shqipëri, për të kryer akreditimin e jashtëm për çdo institucion publik dhe privat të Arsimit të Lartë shqiptar.
Në Shqipëri numërohen 12 universitete publike dhe rreth 14 private, këto të fundit të çelura pas vitit '91, me vendosjen e demokracisë.

Kreu i Konferencës së Rektorëve, Jorgo Kacani, duke e konsideruar nismën e akreditimit të universiteteve si një ngjarje në fushën e arsimit, informoi se "vlerësimi i kompanisë do të paraqesë një renditje me pikë jo vetëm të Institucioneve të Arsimit të Lartë, por edhe të programeve të veçanta të studimit, pra për çdo diplomë".

Sipas tij, raporti i vlerësimit të jashtëm të kompanisë amerikane, do të mbështetet në raportin e vetëvlerësimit, në dokumentacionin e konsultuar, si dhe rezultatet e vizitës në vend në IAL-vë.

Rezultatet e vlerësimit të kompanisë amerikane do të bëhen publike nga MASH, e cila mbi bazën e tyre do të marrë dhe masat përkatëse ndaj universiteteve publike dhe private, që nuk plotësojnë standardet. start