Hyseni do të marrë pjesë në seancën e Këshillit të Sigurimit në OKB

Number of posts : 389 Registration date : 2008-07-19

Ministri Hyseni pritet të marrë pjesë në seancën e Këshillit të Sigurimit në OKB, më 25 korrik 2008, njofton Ministria e Punëve të Jashtme e Kosovës.
Pas qëndrimit në Uashington, ku së bashku me presidentin Sejdiu dhe kryeministrin Thaçi mori pjesë në takimet me presidentin e SHBA-ve, George W. Bush dhe sekretaren e Shtetit, Condoleezza Rice, ministri i Punëve të Jashtme i Republikës së Kosovës, Skënder Hyseni, ka udhëtuar për në New York.

Në seancë do të debatohet për raportin e rregullt politik të paraqitur nga Sekretari i Përgjithshëm i OKB-së, Ban Ki-Moon.

Po ashtu, gjatë qëndrimit në selinë e OKB-së, ministri Hyseni do të zhvillojë një varg takimesh me përfaqësues të vendeve të ndryshme të botës, njofton Zyra për informim e Ministrisë së Jashtme.