Essien i mbetet besnik Chelseat

Mesfushori i Chelseat, Michael Essien, ka nënshkruar marrëveshje të re pesëvjeçare me klubin, sipas të cilës ai do të mbetet në Londër deri në vitin 2013.
Ganezi ka thënë se ardhja e trajnerit të ri, Luiz Felipe Scolari, e ka bindur atë të mbetet. Mesfushori erdhi në Chelsea nga Olimpique Lyon në vitin 2005, ndërsa është lojtari i dyti i cili sot ka nënshkruar marrëveshje të re pesëvjeçare, pas portierit Petr Cech.

“Nuk jam shumë gjatë këtu, por e di se Michael Essien është një prej mesfushorëve më të mirë në botë. Gjithmonë e kam pasur lakmi dhe ky është një lajm i mirë për mua dhe për Chelsean”, ka thënë Scolari.