Robinho arrin marrëveshje të re me Realin?

Siç shkruan sportivja spanjolle Marca, sulmuesi brazilian, aq i përfolur për largim këtë verë, Robinho, ka arritur marrëveshje të re pesëvjeçare me kampionin e Spanjës, Real Madridin.
Me Chelsean që dëshironte të harxhojë mjaft për të siguruar shërbimet e brazilianit, Reali është hedhur në aksion dhe ka zgjidhur problemin duke i ofruar brazilianit kontratë të re të vlefshme 3.1 milionë euro në vit.

Sërish sipas Marca, Marrëveshja e re paraqet një rritje të bujshme të pagës së tij, e cila aktualisht vlen 1.75 milionë euro në vit. Ndërkaq, edhe vet Robinho në një deklaratë të fundit është shprehur se ndjehet i lumtur në Real Madrid.

Klubi spanjoll së fundi nuk e ka lejuar Robinhon t’i bashkohet ekipit kombëtar brazilian, që do të luajë në Olimpiadën në Pekin.