Schalke siguron fitore bindëse

Schalke 04 ka bërë një fillim mbresëlënës nën drejtimin e trajnerit Fred Rutten, duke shënuar fitore 3-0 ndaj Hannoverit, derisa Werder Bremen ka arritur të nxjerrë vetëm një barazim 2-2 në fushë të Arminia Bielefield.
Kevin Kuranyi ka shënuar dy gola, nga një në secilën pjesë (7’ dhe 64’), pas një goli mjaft të hershëm të shënuar nga Marcelo Bordon që në minutën e dytë të ndeshjes. Për Hannoverin luajti edhe shqiptari Altin Lala, i cili u ndëshkua me karton të verdhë në këtë ndeshje të parë të sezonit në Bundesligë.

Werderi ka luajtur barazim 2-2 në fushë të Arminia Bielefield. Dje Bayern Munichu luajti po ashtu barazim 2-2 në fushë të vet ndaj Hamburgut, ndërsa edhe më të keq ka pësuar sot Bayer Leverkusen që u mposht 3-2 në shtëpi të vet nga Borussia Dortmund.