Marseille barazon nё Rennes, Grenoble debuton me fitore

Ekipi i mesfushorit shqiptar Lorik Cana, Olimpique Marseille, ka nxjerrё vetёm barazim nё ndeshjen e javёs sё parё tё Ligue 1 si mysafir i Rennes, ndeshje qё pёrfundoi me plot tetё gola, 4-4, derisa ekipi i porsa promovuar nё ligёn e parё franceze, Grenoble, ka befasuar duke mposhtur ekipin Sochaux nё fushё tё vet, 2-1.
Plot tetё gola dhe njё pёrfundim dramatik pati nё ndeshjen mё interesante tё javёs fillestare tё kampionatit francez, Rennes – Marseille (4-4), gjatё tё cilёs pёr mysafirёt shёnuan dy debutuesit, Hatem Ben Arfa dhe Baky Kone.

Olivier Thomert pati nderin tё shёnojё golin e parё nё Ligue 1 pёr sezonin 2008/09, pas njё pasimi tё ish-lojtarit tё Marseille, Mickael Pagis (5’). Marseille shumё shpejt u pёrgjigj me anё tё dy lojtarёve tё rinj, sё pari Kone (13’) dhe pastaj Ben Arfa (15’). Mamadou Niang shёnoi golin e tretё pёr marsejezёt pas po thuaj gjysmё ore lojё (28’).

Menjёherё pas fillimit tё pjesёs sё dytё, Olivier Thomert ngushtoi rezultatin me golin e tij tё dytё, sёrish pas njё loje tё mirё nga Pagis. Kur kishin mbetur vetёm dy minuta, portieri Mandanda dёrgoi topin nё rrjetёn e tij, pas njё reflektimi nga mbrojtja e Marseillet, pёr tё barazuar rezultatin.

Mysafirёt shpejt rikthyen epёrsinё, me anё tё Elliot Grandin nё minutat shtesё, por duket se ishte ‘shkruar’ qё kjo ndeshje tё pёrfundojё me barazim, pasi qё Bruno Cheyrou shёnoi me kokё nё çastet e fundit tё ndeshjes, pas njё vonese nё reagim tё kapitenit Lorik Cana.

Rezulatet e ndeshjeve tjera do t’i gjeni nё kёndin e djathtё tё ekranit.