PS: Qeveria ndërhyn në punën e prokurorisë

Partia Socialiste mbështet shqetësimin e përfaqësuesve të misionit EURALIUS si dhe të shoqatave të gjyqtarëve për çështjet e drejtësisë.
Sipas sekretares së marrëdhënieve ndërkombëtare në selinë rozë, Arta Dade, shqetësimi i tryezës së djeshme është e njëjta me shqetësimin e partnerëve strategjike SHBA dhe BE por edhe të vetë opozitës se kjo mazhorancë po ndryn në punën e prokurorisë.

“Takimi i djeshëm i të gjithë aktorëve që ushtrojnë veprimtarinë e tyre në sferën e drejtësisë, përfaqësuesit e nderuar dhe të respektuar të shoqatave të gjyqtarëve, prokurorëve, avokatëve, vërtetoi katërçipërisht shqetësimin e PSSH se kjo mazhorancë ka ndërhyrë brutalisht në pavarësinë e institucioneve të njohura nga kushtetuta si të pavarura”, tha Dade.

Më tej ajo ka vijuar duke theksuar se “tryeza e djeshme e përfaqësuesve të EURALIUS si kontribut i Komisionin Evropian, është tregues i shqetësimit edhe të BE, qëndrim i shprehur edhe para pak ditësh përmes deklaratës së Ambasadorëve të vendeve të BE në Tiranë, e cila pasoi shqetësimet në rritje të Ambasadorit të SHBA John Withers”.

Dade në emër të Partisë Socialiste ripërsëriti falënderimet për presidentin Bush për nëshkrimin e protokollit të anëtarësimit të Shqipërisë në NATO nga presidenti i Amerikës George Bush