Shoferi i Bin Ladenit fajtor

Një gjykatë ushtarake amerikane në Guantanamo ka shpallur fajtor ish-shoferin e Osama bin Ladenit, Selim Hamdan.
Ai u shpall fajtor se ka përhapur materiale që mbështesin terrorizmin, por u lirua nga akuza tjetër më e rëndë se kishte marrë pjesë në komplot për të kryer vrasje.

Ky është procesi i parë gjyqësor nga Shtetet e Bashkuara për krime lufte që nga Lufta e Dytë Botërore.

Selim Hamdan, i cili mund të dënohet deri me burgim të përjetshëm, vuri duart në kokë dhe qau teksa u lexua vendimi i gjykatës.

Juria, e përbërë nga gjashtë oficerë ushtarakë amerikanë, debatoi për dy ditë përpara se të merrte vendimin.

Administrata e presidentit Bush planifikon të përdorë gjykatat ushtarake për të dënuar dhjetëra të burgosur që mbahen në Guantanamo. /bbc/