SHBA-të largojnë kufizimet e hyrjes për të sëmurët me AIDS

Ekspertët e mbledhur në Konferencën Botërore për Sidën në Mexico City, kanë përshëndetur vendimin e SHBA-ve për largimin e kufizimeve për hyrjen e personave të sëmurë me AIDS në territorin amerikan.
Vendimin për dhënien e vizave për studentët, imigrantët dhe turistët e infektuar me HIV e ka nënshkruar presidenti amerikan, George Bush.

Sekretari i përgjithshëm i OKB-së, Ban Ki-moon, në këtë konferencë e cila mbahet këto ditë në kryeqytetin e Meksikës (nga 03 deri më 08 gusht) ka thënë para mijëra të pranishmëve ndërkombëtarë se është turp të ekzistojnë ndalesa të tilla të cilat ende i kanë shtatë shtete botërore, përfshirë këtu edhe vendlindjen e tij, Korea Jugore.

Megjithatë, ekspertët janë arsyetuar se këto masa janë vendosur për të parandaluar përhapjen e sëmundjes vdekjeprurëse, ndërsa në vitet e ardhshme pritet largimi i këtyre kufizimeve edhe nga shtetet tjera, përfshirë edhe Kinën.