Karaxhiq kërkon dëshminë e Holbrookut dhe Albrightit

Ish-udhëheqësi i serbëve të Bosnjës, Radovan Karaxhiq ka sfiduar ligjshmërinë e gjykimit të tij në gjykatën e Hagës nën akuzat për gjenocid dhe krime lufte.
Në një letër që i drejtoi gjykatës ai kërkoi që në gjykim të dëshmojnë ish-sekretarja e Shtetit, Madeline Albright dhe ish-diplomati amerikan, Richard Holbrooke, rreth një marrëveshjeje e cila sipas Karaxhiqit do ta mbronte atë nga ndjekja penale.

Në dokumentin që ia dorëzoi gjykatës të mërkurën, Karaxhiq përsëriti edhe një herë siç thotë ai, një marrëveshje imuniteti në vitin 1996 e cila sipas tij do ta lironte nga akuzat për gjenocid. Departamenti i Shtetit dhe Holbrooke e mohojnë ekzistencën e një marrëveshjeje të tillë.

Akuzat kundër Karaxhiqit bazohen në rolin e tij për spastrimin etnik të myslimanëve dhe kroatëve të Bosnjës gjatë konfliktit në vitet 1990.