Gazeta britanike, "Mirror", dhe ajo austriake, "Kronen Zeitung", kanë shkruar për vendin në të cilin ndodhet Ratko Mlladiq, i kërkuar për krime lufte në ish-Jugosllavi.

Prokuroria e Tribunalit të Hagës të mërkurën ka parashtrua ankesë ndaj vendimit për lirimin e ish-ministrit të Brendshëm maqedonas, Lube Boshkovski, i cili u lirua nga akuza për krime lufte kundër civilëve shqiptarë gjatë konfliktit të vitit 2001 në Maqedoni.
Ankesa e Prokurorisë bazohet në nenin 7 të statusit të Tribunalit, e cila parasheh përgjegjësi për për të gjithë që nuk kanë ndërmarrë masat e nevojshme për dënimin e të akuzuarve që kanë kryer krime.

Prokuroria kërkon nga Gjykata që të shpallë fajtor Boshkovskin për të gjitha akuzat e ngritura ndaj tij, duke mos potencuar se çfarë mase dënimi duhet të shqiptohet