Ben-Haim: Hughes më ka bindur

Tal Ben-Haim ka deklaruar se trajneri i tij i ri, Mark Hughes, e ka bindur atë që t’i bashkëngjitet Manchester Cityt.
Ben-Haim dje është bërë transferi i dytë i Cityt këtë verë pasi e ka kompletuar largimin e shumëpritur nga Chelsea.

“Mendoj se është një skuadër shumë e mirë dhe e famshme me shumë ambicie. Dëshiroj të fitoj trofe me këtë skuadër edhe pse do jetë vështirë dhe duhet kohë për të ndërtuar diçka”.

“Ambiciet e Mark Hughes përshtaten me ambiciet e mia. Si lojtar ai ka fituar thuajse gjithçka dhe tani si trajner dëshiron ta bëjë të njëjtën gjë. Ai ka ambicie, pasion dhe dëshirë ta bëjë këtë dhe kjo përshtatet me ambiciet e mia sepse edhe unë jam i tillë. Dëshiroj ta ndihmoj Cityn të bëhet një skuadër më e mirë dhe të fitojë diçka”.

“Kanë qenë disa skuadra të interesuar për shërbimet e mia. Mirëpo pasi kam folur me stafin këtu dhe me familjen time, mendoj së kjo është skuadra e duhur për mua që të ndërtoj diçka”, ka thënë 26-vjeçari.