Jeremiq kërkon përkrahjen e të painkuadruarve për Kosovën

Shefi i diplomacisë serbe, Vuk Jeremiq, ka deklaruar në Teheran se dëshiron të marrë përkrahjen e Lëvizjes së të painkuadruarve rreth çështjes së Kosovës.
Në Teheran po mbahet Konferenca ministrore e vendeve të painkuadruara. Jeremiq, me këtë rast ka thënë se qëllmi i tij është që të fitojë përkrahjen e Lëvizjes së të paimkuadruarve, me qëllim që Asambleja e përgjithshme e OKB-së të kërkojë mendimin e Gjyqit ndërkombëtar të drejtësisë se shpallja e pavarësisë së Kosovës a është në pajtim me të drejtën ndërkombëtare.

"Do të loboj për rezolutën e Serbisë në Asamblenë e përgjithshme. Nëse do të jemi të sukseshëm këtu, mendoj se jemi në gjysmë të rrugës për të arritur sukses, sepse këtu ka shumë vende. Nëpërmjet disa bashkëpunëtorëve të ngushtë dhe miqve në Lëvizjen e të painkuadruarve, momentalisht kemi rast të bisedojmë që kjo ide të hyjë në përfundimet e konferencës së Teheranit”, ka thënë Jeremiq, njoftojnë mediat serbe.