Rebelohet opozita maqedonase ndaj pushtetit

Për shkak të arrestimit të nënkryetarit të Lidhjes Social Demokrate (LSDM) dhe kryetarit të komunës së Strumicës, Zoran Zaev, mbështetës të opozitës maqedonase të mërkurën kanë bllokuar rrugën magjistrale Strumicë-Radovish në Maqedoninë Lindore në shenjë revolte.
Zoran Zaev u arrestua së bashku me pesë bashkëpunëtorë të tij, për shkak të dyshimeve për keqpërdorim të detyrës zyrtare nga shitja e një trualli shtetëror.

Drejtuesit e bllokadave paralajmëruan se rrugët në këtë zonë që çojnë drejt Shkupit do të bllokohen çdo ditë nga ora 11 deri në ora 15, deri sa të lirohet siç thuhet nga paraburgimi kryetari i komunës së Strumicës, Zoran Zaev, ndaj të cilit është shpallur masë paraburgimi dhe gjendet në burgun e Shutkës në Shkup