Karaxhiq arrin në Hagë

Trembëdhjetë vjet pas masakrës së Srebrenicës, Radovan Karaxhiq, një nga projektuesit e masakrës më të rëndë në Evropë që nga Lufta e dytë Botërore arriti në Hagë. Karaxhiq përballet me akuzat për gjenocid dhe krime lufte, ndërkaq në liri është ende i akuzuari tjetër nga lufta në Bosnje Ratko Mlladiq.
Karaxhiq, i akuzuar për gjenocid dhe krime lufte ka arritur mëngjesin e sotëm në Gjykatën e Hagës. Lajmi konfirmohet nga Gjykata Ndërkombëtare. "Radovan Karaxhiqi u transferua sot në qendrën e paraburgimit të Gjykatës pasi kërkohej prej më shumë se 13 vitesh", thuhet në një deklaratë të Gjykatës së OKB-së.

Në Beograd ai u shoqërua drejt aeroportit nga zyrtarë të maskuar të shërbimit sekret të Serbisë.

Karaxhiqi përballet me akuzat për gjenocid për rrethimin katër vjeçar të Sarajevës dhe amsakrën e Srebrenicës ku u masakruan 8000 burra dhe djem boshnjakë nga trupat e serbëve të Bosnjës.