Basha: Synimi ynë është rajoni i integruar në BE dhe NATO

Ministri i Punëve të Jashtme, Lulzim Basha, priti sot në një takim Sekretarin e Përgjithshëm të Ministrisë së Punëve të Jashtme të Greqisë, Agathoklis Aristidhis. Zhvillimet rajonale, procesi i integrimit euroatlantik dhe evropian, marrёdhёniet dypalёshe dhe çёshtje tё tjera tё aktualitetit ndёrkombёtar ishin temat kryesore tё bisedёs.
Duke u ndalur nё zhvillimet nё rajon, ministri Basha nёnvizoi se vizioni i Shqipёrisё pёr rajonin e Evropës Juglindore ёshtё integrimi i plotё i vendeve tё rajonit, duke pёrfshirё Kosovёn dhe Serbinё nё Bashkimin Europian dhe NATO.

Me theks tё veçantë gjatë takimit u trajtua dhe procesi i liberalizimit tё vizave, i cili nёpёrmjet lёvizjes sё lirё tё qytetarёve drejt hapёsirёs shengen do tё forcojё procesin e pёrafrimit dhe të integrimit tё vendeve tona me BE-në.