BE shtyn vendimin për Serbinë

BE ka shtyrë një vendim për lidhje më të ngushta me Serbinë derisa të marrë një raport nga OKB për bashkëpunim të Serbisë me gjykatën e Hagë, njoftoi BBC.
Ambasadorët e BE-së që u takuan në Bruksel gjithashtu thanë se ata po prisnin që ish- udhëheqësi serb i Bosnjës, tashmë i arrestuar, të transferohet në Hagë.

Fillimisht ambasadorët e Këshillit të Ministrave të BE, ranë dakord bashkë me komisarin e zgjerimit, Olli Rehn, t’i dërgojnë një mesazh Serbisë duke premtuar direkt marrëveshjen e MSA-së, por Holanda dhe Belgjika kërkuan të presin vendimin e Hagës.