Ndotja e ajrit, ende problem për mikpritësit kinezë të Lojrave Olimpike

Nga Lojrat Olimpike Pekin-2008 mbeten tashmë më pak se 10 ditë dhe numërimi në zbritje ka nisur nën qiellin gri, i vetmi problem shqetësues për organizatorët e Olimpiadës. Ata janë të të shqetësuar sepse rregullat e qytetit për makinat dhe industrinë nuk kanë bërë aq sa duhet për ndotjen e ajrit. Duke qenë se tashmë 8 gushti po afron, datë kur do të zhvillohet edhe ceremonia hapëse e Lojrave, Pekini është mjaft i impenjuar me përgatitjet për rregullimet e fundit përpara mbërritjes së atletëve, turistëve dhe vizitorëve nga e gjithë bota.