Murinjo synon shkëmbimin Adriano - Akuilani

Trajneri i Interit, Hose Murinjo është i gatshëm për shkëmbimin e Adrianos me futbollistin e Romës, Alberto Akuilani. Një gjë të tillë e ka bërë të ditur "Sportmediaset". Murinjo është në kërkim të një mesfushori dhe Akuilani mund të jetë zgjedhja e tij e duhur.
Edhe pse zyrtarët e klubit zikaltër në disa raste kanë pohuar se fushata e përforcimeve për këtë verë ka marrë fund, megjithatë duket se ajo ende është e hapur dhe mesfushori i Romës mund të realizojë transferimin e tij në Milano para përfundimit të afatit kalimtar gjatë kësaj jave. Adriano do të ishte një futbollist i dobishëm për Romën dhe do t'i plotësonte kriteret e Luçiano Spaletit. Sipas "Sportmediaset", Interi është i gatshëm t'i ofrojë Akuilanit 3,7 milionë euro në edicion. Ndërkohë, Murinjo ka paralajmëruar Adrianon se nuk do të tolerojë që ai të bëjë jetën e natës, si në kohën e Roberto Mançinit.