Van Der Vart megjithatë te Reali

Rafael Van Der Vart, duket se megjithatë do t'i bashkohet Real Madridit. Sipas mediave spanjolle tashmë marrëveshja është finalizuar dhe Hamburgu do të fitojë 10 milionë euro. Para një jave Hamburgu refuzoi ofertën e "klubit mbretëror", e cila kapte shifrën prej 7 milionë euro.
Mirëpo, duket se 3 milionë më shumë ishin të mjaftueshme që të thyhet rezistenca e drejtuesve të klubit gjerman. Sipas mediave spanjolle, Van Der Vart pritet t'i bashkohet Realit në fillim të javës së ardhshme dhe për këtë skuadër do të nënshkruajë kontratë pesëvjeçare.