Giovani: Henry më këshilloi të vij në Tottenham

Giovani dos Santos, ka thënë se para se të kalonte në Tottenhem kishte marrë këshilla nga Thierry Henry se kalimi në White Hart Lane, do të jetë i mirë për karrierën e tij.
“Të zëvendësohet Robie Keane është vështirë, pasi që ai është një futbollist që luan në një nivel shumë të lartë. Por unë kam ambicie të mëdha dhe shpresoj se shpejt do të adaptohem”, ka thënë Dos Santos.

Giovani ka thënë edhe se kolegu i tij tek klubi i Barcelonës, Thierry Henry, ka qenë ai i cili e ka këshilluar sulmuesin e ri, se Tottenhemi është vendi i duhur për të.

“Kur kuptova se Tottenhemi ishte një opsion për mua, e pyeta Henryn çfarë mendon ai për këtë, dhe më tha se do të ishte mirë nëse vij këtu”, ka shtuar Giovanni