Irani varë 29 kriminelë në Teheran

Irani ka ekzekutuar 29 kontrabandistë droge dhe kriminelë të tjerë në burgun Evin të Teheranit në agimin e ditës së sotme.
Irani vazhdimisht akuzohet nga qeveritë perëndimore për abuzimin e drejtësisë, ndërsa nga ana tjetër Teherani mohon këto kritika duke i akuzuar vendet e Perëndimit si shtete me standarde të dyfishta dhe hipokrite.

“29 personat e ekzekutuar këtë mëngjes kanë qenë të përfshirë në kontrabandën e drogës në një shkalle të gjerë, në krimin e organizuar, në vrasje dhe në plaçkitje të armatosura”, ka deklaruar prokurori i Teheranit, Saeed Mortazavi.