Mesi: Shpresoj që Eto do të qëndrojë

Futbollisti i Barcelonës, Lionel Mesi është njëri nga ata që ka ngritur zërin për mbetjen e kamerunasit, Samuel Eto në radhët e klubit katalnas, veçmas pas bashkëpunimit të shkëlqyeshëm me të në ndeshjen miqësore ndaj Dandi Junajtedit, ku argjentinasi realizoi tre gola.
Mesi mendon se Barcelona nuk do të arrijë të gjejë një zëvendësim adekuat në rast se vendos ta shesë sulmuesin kamerunas dhe ka shprehur shpresën që Eto të mbetet pjesë e skuadrës. "Shpresoj që Eto nuk do të largohet. Nuk ekziston asnjë futbollist në botë i ngjashëm si ai", ka theksuar Mesi. Me sulmuesin argjentinas është pajtuar edhe Çavi Hernandez. "Eto është një futbollist, i cili bën diferencën në fushë. Ai gjithmonë luan në nivelin e lartë, madje edhe pas lëndimit. Eto është një futbollist shumë i rëndësishëm për skuadrën tonë dhe një shembull i profesionistit të vërtet. Megjithatë, gjithçka varet prej tij dhe prej klubit, se çfarë duan ata të ndodh", ka theksuar Çavi