Dhelpra vjedh çantën, e ndjek policia

Një dhelpër ka vjedhur një çantë dore dhe me të ka ikur në mal, prandaj pronari është dashur të thërras policinë në ndihmë, ka njoftuar policia e kantonit të Bazelit, në veri të Zvicrës. Mashkulli i cili po punonte në një tokë publike në afërsi të Bazelit papritmas e ka parë dhelprën se si po ikte me çantën e tij në nofulla, e në çantë ishte kuleta dhe çelësat e tij, ka thënë zëdhënësi i policisë. Pronari i çantës kishte vrapuar pas dhelprës, por kafsha ishte shumë më e shpejtë se ai. Më pas ai ka thirrur policinë të cilët e kanë gjetur çantën një kaçube, pesëdhjeta metra larg “vendit të krimit". Dhelpra nuk kishte arritur të fus gjahun në strofull, pasi që çanta ishte më e madhe sesa vrima e saj. Kryesja e vjedhjes nuk është “arrestuar” ka precizuar zëdhënësi i policisë.