Mexes përjeton terror

Mbrojtësi i Romës, Philippe Mexes, dhe familja e tij kanë përjetuar mbrëmë një përvojë të hidhur në Romë, kur disa hajna të armatosur e kanë vjedhur veturën e futbollistit së bashku me vajzën e tij dyvjeçare, e cila ndodhej në automjet.
Mexes, gruaja e tij, Carla, dhe dy fëmijët e tyre, kishin dalë mbrëmë për darkë në Romë. Pasi Carla dhe djali i tij katërvjeçar, Enzo, kishin dalë nga vetura, futbollisti është ballafaquar me dy kriminelë.

Pas një përleshje hajnat e kanë rrëmbyer Mercedesin e francezit duke mos ditur se në ulësen e pasme gjendej vajza dyvjeçare, Eva.

Pas njoftimit të policisë, vetura është gjetur e braktisur në Piazza Eschilo të Romës, së bashku me Evan të palënduar.