Henrique nënshkruan me Barcelonën dhe Leverkusen

Mbrojtësi brazilian, Henrique, përfundimisht ka vënë nënshkrimin e tij në marrëveshjen me klubin spanjoll Barcelona, ndërsa disa orë më pas të njëjtën gjë e ka bërë edhe me Bayer Leverkuzen, ku do të luajë si huazim nga klubi katalunas.
21-vjeçari mbrëmë kompletoi transferimin e paralajmëruar nga Palmeiras tek Barcelona.

Pas kalimit të testeve mjekësore, Henrique është takuar me presidentin Juan Laporta, dhe futbollistët Carles Puyol, Xavi dhe Iniesta, të cilët ishin të pranishëm në konferencën e shtypit, gjatë të cilës u prezantua edhe mbrojtësi brazilian.

Menjëherë pas kësaj, Henrique është drejtuar për në Leverkusen, ku do të luajë si huazim gjatë sezonit të ardhshëm.